Geunjleung Walanda Datang


WALANDA, caritana bakal datang deui agresi ka Indonesia, khususna ka Bandung Barat (KBB). Cenah lain nyerang tangtara urang, tapi urusan ngolah runtah pikeun dijadikeun kompos. Awalna beja Walanda bakal datang ka KBB matak geunjleung, komo kolot anu pernah ngalaman perang jeung Walanda, reuwas pedah manehna pernah meuncit beuheung Walanda, boa-boa arek neang manehna. Atuh, loba kokolot kampung anu taki-taki nyekel bambu runcing, sabagian deui nyieun lodong sugan bisa jadi pakarang. Heueuh, kukituna maklum anu pernah ngalaman perang jaman Walanda mah, beja arek didatangan bangsa penjajah teh jadi isu panas. Barudakna geuwat dibejaan yen Walanda bakal datang deui, aya oge anu lumpat ka leuit jeung guhan buatan.
“Awas deuleu barudak siah, ulah arulin di luar, Walanda rek datang deui. Mangkaning urang tacan mere upeti, kuriak dibedil, harita oge si nini maotna dibedil Walanda alatan teu mere upeti, heueuh da harita pan acan panen urang,” ceuk Ki Solen. Manehna paling riweuh kusabab umurna anu 90 taun pernah ngalaman diudag Walanda nepi ka ngiihan maneh.
Torojol utusan bupati, pameunteuna kasep, bageur, tur make basa anu andalemi. “Para wargi, para sepuh, ulah sieun, ulah hariwang, ieu sanes jaman penjajahan deui, apan urang atos merdeka. Walanda datang deui ka urang, pikeun mere dana tur ngabantuan nyien tempat ngolah runtah. Supaya urang hirup bersih, tur hasilna bisa pikeun kahirupan urang,” ceuk eta pamuda utusan bupati.(*)[sumber: HU. Bandung Ekspres e:29 Mei 2010]

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s