Sarua Neang Dahar


LOBA trayek angkot ilegal di KBB ditertibkeun ku patugas. Meni teu karunya-runyaeun. Padahal, supir angkot liar oge hayang dahar. Coba mun teu kitu, meureun barudak di imahna pating jarerit hayang dahar, hayang dahar deuleu.
Ayeuna urang titenan kanyeri Mang Badil anu sapopoe neang nafkah dina angkot. Tapi unggal jadi supir angkot, trayekna teh teu diijinan ku patugas Dishub. Ah, daripada budak jeung pamajikan teu dahar, naon weh dilakonan, sanajan trayek angkotna teu resmi.
Keur nyemprung ngajalankeun angkotna, Mang Badil dieureunkeun ku patugas, majarkeun patugas gabungan dan gening aya pulisi, aya Satpol PP, aya patugas Dishub, aya oge tangtara anu ngajega bari beungeutna kaciri bengis.
Dieureunkeun tiba-tiba, Mang Badil teu bisa nguasaan setir angkotna, atuh mobil angkot nabrak warung. Reuwas pedah patugas ujug-ujug megat kalawan teu mere aba-aba. Guprak, jeger, juralit, jerit aya anu ngoceak siga anu ngarasakeun nyeri, ari sihoren tukang dagang.
Patugas teh lain nulungan, kadon nyarekan laklak dasar, pedah Mang Badil nabrak warung Ma Onih. “Kehed, untung teu nabrak aing, coba mun nabrak aing, urusan jadi leuwih beurat,” ceuk patugas, lain nulungan.
“Punten atuh Pa, da reuwas bisi keuna ka bapa, ieu oge geus nyalenggorkeun setir ka kenca bisi nabrak bapa,” ceuk Mang Badil muringis bari kaluar ti mobil anu tikusruk. Kacida sedihna, Mang Badil kudu ngaganti warung, angkotna rusak, manehna oge cidra kusabab kagencet mobil. Karunya Mang Badil.(*)[e:27 Mei 2010]

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s